Në seksionet vijuese Imagjino Albania ju bën me dije Termat & Kushtet e operimit të marrëveshjeve për shërbimet e Softuerëve SAAS. Ju ftojmë ta lexoni me kujdes dhe vëmendje dhe për çdo paqartësi ju ftojmë të kontaktoni suportin teknik të kompanisë, format dhe kanalet e komunikimit i gjeni në sektorë të ndryshëm të faqes.
Në një kontratë shërbimi SAAS, pavarësissht tipologjisë së përzgjedhur, mënyra e ofrimit të shërbimit është e njejta, në rastet kur ka ndryshime nga Termat & Kushtet e përcaktuar në këtë faqe, ato specifikohen në marrëveshjet respektive.
Të dhënat e softuerëve SAAS janë të ruajtura në infrastrukturë Cloud Hosting. Janë në kompani me origjinë amerikane dhe një ndër kryesoret në treg. Bashkëngjitur çdo marrëveshje ju citohen dhe bëhen me dije detajet teknike. Infrastruktura ofron mbrojtje maksimale ndaj sulmeve (DDOS Protection) duke mundësuar 99.99% të kohës online. Në raste se ka, ndryshim ose përmirësim infrastrukture nga kompania hostuese, ne njoftohemi paraprakisht për kohën dhe kohëzgjatjen e ndërprerjes së shërbimit, sikurse ju bëjmë edhe ju me dije të plotë. Në rastet kur Imagjino Albania ndryshon infrastrukturë hostuese ose plane hostimi, zakonisht bëhen në orare të vona. Në çdo rast tjetër ne dakordësojmë bashkë me ju, kohën më të volitshme.
Imagjino Albania që nga fillesat e veprimtarisë së ofrimit të softuerëve SAAS, ofron paketa abonuese me kohëzgjatje minimale 365 ditë (1 vjeçare). Në raste specifike me dakordësimin e plotë mes ofruesit, Imagjino Albania, dhe marrësit ndryshon kohëzgjatja e shërbimit për vitin e dytë dhe në vijim.
Në ofrimin e softuerëve SAAS detyrimet financiare janë mujore dhe vjetore. Çdo detyrim pagese shoqërohet me fatura të rregullta tatimore dhe konform bazës ligjore. Metodat e pagesave të dispoueshme janë Kesh dhe me transferta bankare.
Çdo problematikë ose mirëmbajtje teknike në softuerët SAAS janë detyrim për tu ofruar zgjidhje nga ofruesi, Imagjino Albania. Zgjidhjet ofrohen në kohën më të shpejtë të mundshme, gjatë orarit zyrtar të punës, të cilin e gjeni të afishuar në faqen e kontaktit. Për problematikat urgjente, koha e ofrimit është në orare të ndryshme, të përcaktuar si orarë normalë.
Në rastet kur softueri SAAS ka nevojë përditësimi apo shtimi funksioneve shtesë, atëherë ofruesi, Imagjino Albania, bën me dije kohëzgjatjen dhe koston e kryerjes së këtij përditësimi. Në rastet kur ofruesi, Imagjino Albania, nuk aplikon kosto shtesë, në rast se marrësi kërkon kalimin nga opsioni SAAS në Owner, kostoja e shtesave rritin vlerën e softuerit. Për detaje, referojuni pikës 12.
Softuerët SAAS të cilët suportojnë integrimin API, ky informacion bëhet i ditur në faqen e dedikuar për secilin softuer, janë të hapur për zhvillime. Në rastet kur suportohen, procesi i lidhjes me API nëse vlerësohet nga ofruesi Imagjino Albania, mund të parashikojë kosto shtesë e cila edhe mund të dakordësohet për ndarje sipas kësteve. Në rastet kur duhet zhvillim i integrimeve API ose Webhooks, duhet më parë suportimi nga softueri dhe më pas bëhet me dije nga ofruesi për kohëzgjatjen edhe koston. Aktualisht, integrime API që mundësohen janë të listuara si mëposhtë. Të detajuara për secilin softues SAAS e gjeni në faqen e dedikuar. Nëse nuk janë të listuara mëposhtë, marrësi kontakton ofruesi për parashtrimin e kërkesës.
Imagjino Albania ka të drejtën e ndërprerjes së ofrimit të një softueri SAAS nëse nuk është respektuar koha e kryerjes së pagesave. Duke parë rastet sensitive si operacionale dhe të ofrimit të shërbimit, Imagjino Albania bën njoftimin paraprak, 10 ditë pune (dhjetë), përpara skadimit të afatit. Në rastet kur nuk merret një përgjigje nga ana e marrësit, automatikisht shërbimi ndërpritet. Më pas ndiqet procedura e e parashikuar në pikën 10. Në rastin kur ndërprerja e shërbimit ndodh nga palë të treta, ku pala ofruese e ka të pamundur operimin, nuk ka asnjë përgjegjësi nga Imagjino Albania, veçse vullnetit për të ndihmuar. Në rastet kur ndërprerja ndodh me shkak të ofruesit, pa pasoja madhore, atëherë gjendet me dakordësi një mënyrë dëmshpërblyese (zgjatje abonim ose ulje kostoje). Procesi i ndërprerjes kontraktuale nga ana e marrësit, duhet që të dërgohet një njoftim paraprak, minimalisht 7 ditë pune, përpara datës së përmbylljes së afatit kontraktual. Në emailin njoftues duhet të specifikohet data e fundit të shërbimit sikurse edhe një adrese elektronike për të marrë të dhënat operacionale, të cilat do ju vihen në dispozicion brenda 1 ditë pune
Në rast ndërprerje shërbimi për arsye kontraktuale parashikuar edhe në kontratën e firmosur, ju do t`ju mundësohet brenda 1 (një) ditë pune të dhënat e operimit të softuerit. Në rastet kur madhësia e të dhënave i tejkalon limitet e kalimit të tyre online, ju mund ti merrni brenda 1 ditë pune, pranë zyrës tonë brenda orarit të punës, adresa e së cilës do të jetë e publikuar sipas detyrimeve ligjore në Ekstraktin e QKB-s
Sikurse jeni bërë me dije, softuerët SAAS janë pronë intelektuale e Imagjino Albania, subjekt i cili është edhe zotëruesi i Source Code. Në momentin që marrësi shpreh dëshirën për tu bërë Owner i softuerit dhe të marrë njëkohësisht edhe Source Code, atëherë bëhet ndryshimi kontraktual dhe marrësi shlyen pagesën finale të blerjes së programit. Nëse një softuer SAAS e ka opsionin OWNER ai shfaqet si informacion bashkë me detajet teknike në faqen e dedikuar të softuerit.
Për çdo softuer SAAS që ka opsionin e OWNER mund të blihet me shprehjen e vullnetit nga ana e marrësit të shërbimit. Në çdo marrveshje kontraktuale me marrësin e shërbimit në një seksion të dedikuar përcaktohet kosto, teknikalitete dhe procedura për tu bërë OWNER. Por, kostoja finale e softuerit mund të ndryshojë ose jo, referuar pikave të mëposhtme. Në rastet kur në marrëveshje nuk ka çmim të përcaktuar ai përllogaritet në momentin e shprehjes së interesit.
Pavarësisht se në faqen e dedikuar online në www.imagjino.al pasqyrohen çmimet e abonimeve SAAS, ka softuerë që nuk kanë paketa fikse të publikuara. Në rastet kur nuk ka plane abonuese publike, ato ju bëhen me dije privatisht bazuar në nevojat funksionale. Në rastet kur ka ndryshime në planet abonuese për vitin pasardhës ato bëhen me dije 60-90 ditë para përfundimit të vlefshmërisë kontraktuale. Edhe në rastet kur ndodh indeksim i planeve abonuese, vlera e rritjes maksimale është 20% e çmimit aktual.
Procesi i ndërprerjes kontraktuale, nga ana e subjektit ofrues Imagjino Albania për arsye mbylljeje veprimtarie, ju do të njoftoheni minimalisht 1 vit përpara afatit përmbyllës kontraktual, ku bashkëngjitur do ju sugjerohen opsione dhe kohë e mjaftueshme në dispozicion për të mundësuar një tranzicion pa probleme për aktivitetin tuaj operues. Sikurse oferta të leverdisshme për kalimin nga opsioni SAAS në OWNER. Në rastet kur mbyllja e veprimtarisë vjen nga arsye madhore (përmbytje, zjarr ose tërmet) ose nga masa të institucioneve përkatëse, atëherë palët gjejnë opsionin më të mirë bazuar në kushtet e disponueshme.
Nëse gjatë periudhës kontraktuale, ndodhin ndyshime në formën e organizimit ligjor të subjektit, kontrata dhe shtojcat kontraktuale janë të vlefshme duke respektuar plotësissht afatet, kushtet dhe kostot kontraktuale.
Imagjino Albania si subjekt ofrues, mban përgjegjësi të plotë për përmbushjen e pikave të mësipërme. Andaj, do të quhet dakordësim me Termat & Kushtet dhe do të quhen të pranuara, në momentin që pranohet fatura tatimore shoqëruese e abonimit të një softueri SAAS. Në rastet kur ka specifikime kontraktuale, ato prevalojnë mbi këto terma, edhe pse bien në kundërshtim.
Duke qenë se softuerët SAAS hostohen në hapësira të ofruesit të shërbimit Imagjino Albania, ka hapësira për interpretime të aksesit mbi të dhënat. Çdo marrëveshje kontraktuale për shërbimet SAAS kanë të bashkëngjitur edhe një Shtojcë kontraktuale e cila përcakton detyrimet që rrjedhin nga përdorimi i të dhënave. E njohur si NDA, kjo shtojcë parashikon palët që kanë akses mbi bazën e të dhënave ose informacioneve sensitive.
Përditësimi i Termave & Kushteve sa i përket operimit me softuerët SAAS ndodhin sa herë që Imagjino Albania e sheh të arsyeshme. Por, çdo ndryshim nuk prek asnjë marrëveshje abonuese të lidhur përpara datës së përditësimit, e cila pasqyrohet në këtë pikë me formatin ditë/muaj/vit. Data e fundit e përditësimit është 28/05/2024.
Përmban gjithçka që duhet për të pasur një dyqan inovativ shitjesh. Panel menaxhimi, dyqan online dhe aplikacione mobile për iOS & Android
Një paketë e plotë me panel administratori, program i dedikuar financiar, modul klientësh, aplikacionet mobile dhe faqe interneti
Platformë menaxhimi praktike dhe multilingual për sektorin mobiliar me konfigurime dinamike për të menaxhuar portofolin e pronave
Softuer për veprimtarinë në një palestër nga aksesi me QR, stafi, paketat, masazhet, rezervimin online të klasave dhe dietat
Mbani veprimet operacionale, menaxheriale dhe financiare në një softuer të vetëm. Përshtatet sipas nevojave të biznesit dhe industrisë
Platformë inovative ku ju mund të menaxhoni gjithë fluksin e komunikimeve në rrjetet sociale, Facebook, Instagram dhe Whatsapp
